香港新浪網 MySinaBlog
« 上一篇 | 下一篇 »
Norman | 25th Sep 2015, 12:00 PM | 外匯實戰示範 | (57 Reads)
 

耶倫昨晚又再出口術,同大家玩口水戰,結果又搞到個市亂咁行,美元轉弱,非美上升,黃金就勁彈上破埋1156添,但股市就又再作鳥獸散,美股一開波就急插,到收市時反彈,而家有重貨在手的,真係唔得佢死,成日預左同佢玩笨豬跳,真係隨時俾佢嚇破膽都有份!

  

而今早再看,美元又再轉強,非美和黃金都回調了,道指只係跌了不足100點,看來又要再繼續等,睇下幾時狼來了真正出現!不過佢而家成日咁玩法,做投資炒賣的難度就增加了。因為佢一句說話就可以把原來的走勢扭曲,變成無走勢可講,即係同佢賭心理或賭大細,故此在操作策略上就睇個人的取向了。

 

假如用『啋佢都傻』的方式,就可以依照當時的走勢和市場氣氛來部署,咁就純粹賭大細,好處是唔會俾佢影響到,但就有可能導致賬面出現較大的波動,這一單贏大錢,下一單又輸大錢。

 

假如用較為『保守』的方式來做,就只能靜觀其變,當不確定性風險相對高時,就不進場,或只以低單量進場,輸贏對賬戶的波動有限,但代價就係限制了賬戶正常的增長,因為犧牲了時間成本和獲利空間。

 

由於操作資金相對增加了,唔想冒太大的賬面損失的風險,故此這個測試賬戶就傾向採用較保守的策略,所以過去一周的增長率就較預期略低。同時,唔想在周五一次過出晒大細兩個測試賬戶的資料,故此這個賬戶就改在周四晚截數,而上周只係在周五才真正開始買賣,至昨晚剛好是一整周的完結,故此也來一次可以真正反映實戰狀況的總結:

 

過去5個交易日,總共做了16單交易,僥倖全部獲利出場,無一單有損失,總共獲利250.90美元,以起始資金6410.26美元計算,獲利率3.91%

 

附圖是這五日的每筆交易,每筆都只是最低單量的0.1標準手,正數代表做多,紅色負數代表做空,全部依足先前所預設的條件,只集中做歐、鎊、澳、紐這四隻直盤。

 Picture

[1]

Well Done!

Eric
[引用] | 作者 Eric | 25th Sep 2015 8:46 PM | [舉報垃圾留言]