上週結餘：4118美元
本週結餘：4536美元(+10.15%)
本週美元處於一面倒的弱勢，所以在操作上其實難度不大，到昨晚為止，其實經已接近完成，剛才再賺夠尾數，所以又可以早一天半就完成。
最後這單其實又真係錯有錯著，本來我只係諗住落0.1的細單，但就唔知點解，預設單量變左0.3，到落左至知道。不過，澳元在下試0.92又未肯下破，仲反彈上來，咁就唔好錯過機會啦，一於食埋至講，結果就咁樣做夠尾數。
目前手上仍然持有澳和黃金的多單，繼續等待向高位推進，到達目標才出場。假如有更好的低位出現，就會在低位增持，準備為下週的盈利，作出貢獻。
