香港新浪網 MySinaBlog
« 上一篇 | 下一篇 »
Norman | 25th Jan 2010, 10:57 AM | 善意提醒 | (6020 Reads)
 

哈哈!唔知點解,原來香港真係咁多人做水魚,倫敦金騙案其實存在了幾十年,不過就每次爆出來都一定有人上當,呃人的技倆其實不外如是都係那幾招,假如真係想做倫敦金賺錢,就自己去銀行開戶,自己做買賣啦,錢唔會自己送上門俾你的,係要你自己去做單才可以賺回來的,假如真係咁簡單,開個戶口就有人會幫你賺錢,點解人家要替你買賣賺那雞碎咁多的佣金?

 

今次終於等到報紙都出埋新聞,等我也把這超連結記下來,讓所有人都來看看。

http://www.singtao.com/yesterday/loc/0125ao10.html

   

其實呃人的技倆,我在上次的文章早就講得好清楚,有興趣的不妨來看看。

 

http://qanorman.mysinablog.com/index.php?op=ViewArticle&articleId=1994516

至於係咪真係做倫敦金純粹係騙局?我又可以肯定話你知,這個市場絕對唔係呃人的,的確係存在的,只係有些立心不良的人,以此來呃人,假如你真係有本領,係可以在市場上賺到錢的。

http://angel208.mysinablog.com/ 

我網誌右手邊的超連結,就有外匯俱樂部成員(1)的網誌,裡面所記載的,全部係每日操作的成果,而我們每日在線上一起聊,證明其交易係即時通報出來,絕無吹水作大的,單係計算一下,每次交易賺了多少美元,就知道佢賺左幾多,其實我都羨慕到流晒口水架,只可惜我還未打算正式買賣倫敦金,所以暫時就只係得個睇字算啦。

 

計算佢賺左幾多,其實好簡單,中銀係標準的一手100安士,假如買賣一手淨賺1美元,即是實際賺了100美元,有興趣的,不妨同佢計算一下,這個月買賣黃金佢賺左幾多。粗略估計,這個月都起碼可以出雙糧,係咪羨慕死呢!

 

想要在投資市場上賺錢,就努力點去學習啦,千祈唔好諗住有不勞而穫,否則只會做水魚被人呃就有份。