香港新浪網 MySinaBlog
« 上一篇 | 下一篇 »
Norman | 26th Aug 2011, 11:25 AM | 外匯實戰示範 | (100 Reads)
 

上週結餘:8051美元

 

本週結餘:8055美元 (+0.05%)

   

本週測試賬戶無乜上落,不過其實賬戶狀況就好左好多,原因又係要多得歐和鎊這對難兄難弟,上週鎊無端端衝左上去,結果把浮虧數字抽升一倍,幸好我預左佢會係咁,所以仲未發生意外,而本週又輪到鎊無力,歐又再做番老大,結果浮虧馬上又再下跌,而本週測試賬戶也做了兩次操作,兩次都能獲利出場,同時,把握兩次現價接近原有舊單的進場價附近,把兩張套單在輸些少的情況下先行出場,結果賬面結餘基本上不變,但就少左兩張套單。

 

本週走勢上仍然是以上落市格局為主,儘管有網友認為非美要再向上突破的機會較高,不過我就一直有所保留,原因係最近美債,歐債,國家主權評級等問題,其實歐洲和美國都係一樣咁衰,在這情況下,要歐和鎊等大幅抽升,機會其實不高,反而繼續在一個區間內繼續上上落落的可能性最高,所以最近我又再開始找機會拆舊單,減持這些蟹貨單為上策。同時,市場又擔心QE3能否成事,結果黃金又再大升大跌,這兩晚其實也一樣嚇死人,一晚下跌100美元,假如買錯方向,一手黃金一晚可以輸一萬美元,假如持有幾張單,一樣可以輸到訓街都得!

 

歐羅在經過了兩週的折磨後,上方的高位不斷下移,我這兩晚掛1.4475沽空歐的單,最後差兩點子都做唔到,可見大戶其實也一樣在打因住波,一到高位就走人,根本無膽上去試一下1.45或以上的阻力區。而鎊這週就做埋包尾大班,一路偏軟最跌,不過我又唔預期佢會大跌,頂多係回試1.59,再下破的機會又不會太高,除非英國佬又玩印銀紙,否則會繼續在這幾百點的上落持續下去。

 

今晚又輪到老伯要訓話,相信市場都係繼續目前走勢為主,即管睇佢有無乜野新招,假如無料到,相信又要平靜過週末,下週又輪到非農和議息等重要數據公佈,市場再次以等待為主,睇下有無機會做番幾次短炒玩一下先。