香港新浪網 MySinaBlog
« 上一篇 | 下一篇 »
Norman | 11th Jan 2017, 1:45 AM | 怪論 | (200 Reads)
 

上週寫的無能政府(1) 無諗過竟然有咁多人來看,在根查一下之後,竟然意外地發現這篇文章上了精選網誌文章的類別,於是再接再厲,繼續寫文章鬧衰這個無能政府,發洩一下!而今日要臭罵的,係佢唔見得光的人口政策。

   

人口老化,是一個很常見的問題,不單是香港獨有,其他世界各國也一樣同時出現,日本、星架坡、甚至中國也一樣,雖然大家的背景略有不同,但結果也是一樣。當年的莊豐源案,其實係一個大笑話,可見香港的所謂司法制度,也一樣有其不足。

 

不過,更笑話的是,政府以為可以靠大陸的新力軍來增加香港的動力,事實上這批新力軍是在打甚麼主意?人家只係貪你有免費午餐,咁多福利點解唔來取?至於取完福利之後,會否真係願意留低繼續發展,就係兩回事!而家好多大陸人,佢地係極之心頭高,根本志不在香港,只係借你來做跳板,將來移居外國,才是最終目標。

 

而佢地靜雞雞咁放咁多大陸人來產子,搞到本地孕婦無地容身,可謂未見其利,先見其害!老實講,政府的錢都係我地香港人過去多年努力賺的,就算真係要派錢,點解唔優先考慮派俾本地人,而要俾D三唔識七的外來人!

 

要鼓勵香港人多生育,是否真係無晒符?我又真係唔認同,原因係本地人之所以唔願意生,又或者唔敢生,主要原因都係經濟問題和錢作怪,假如政府願意俾多D鼓勵,其實這方面係有非常正面的作用。

 

例如:所有本港合法婚姻所生的新生本地嬰孩,政府一律奉送兩萬元利是,用作幫補添置嬰兒的日用品,衫褲鞋襪等,再來半價津貼嬰兒奶粉和紙尿片,減輕父母的經濟負擔,甚至乎再搞好幼兒園和托兒服務,務求就算將來父母同時要外出工作賺錢,也可以安心嬰孩有人照顧。

 

土生土長的香港人,才是最有歸屬感和願意留下來繼續發展的,那些外來人,只是把香港當作是一個謀生的地方,假如吸引力降低,或是外間有更好的機會,他們就會轉移目標,唔會同你講心的!香港政府有過萬億元的儲備,假如真係有心搞好這方面的事,絕對唔會無能力,問題只係有錢唔識用,只能做過守財奴而已!

順便再鬧一下的,是雙非可以名正言順來香港產子,反而算係半個香港人的單非就變成偷偷摸摸,咁又係算乜野道理?呢個又係荒謬到極的笑話,至於政府話無法判別單非孕婦的配偶身份,甚至係買賣婚姻等問題,其實一樣好容易解決,夠僵就叫相關的夫婦宣誓,證明其身份,假如事後發覺發假誓,又或者嬰孩的DNA並非來自宣誓的父親等足以證明是偽裝的,一律處以刑事檢控,罰款,判監等作為懲罰,相信經已有足夠的阻嚇力,杜絕偽冒。