香港新浪網 MySinaBlog
« 上一篇 | 下一篇 »
Norman | 13th Jan 2014, 12:29 AM | 理財投資 | (780 Reads)
假如你準備到匯豐開外匯孖展賬戶,我就奉大家千祈唔好去!

最近我就帶同親友到匯豐的一間中產屋苑內的分行去開戶,經歷過可以話係全港最差的銀行服務,因為單係等開戶,都等左成個鐘都無人理,拿了籌號,成村人等到變左化石,都只係做了一兩個客人的籌,到底在搞乜?

假如佢真係開足櫃位來處理,而客人又真係咁多野問和做,所以每個客人要花30分鐘以上,這個我還可以理解和容忍,不過,實情係投資區內的房就大把人,不過做開戶的房就無人,就算有人都唔係做緊新開戶的野,而現金提存、投資專區就大把職員服務客人,新開戶區就無人理,結果,我就出手在大堂抓著服務經理質問,連同其他等待的顧客一起起哄,才開始調派其他人來疏通一下這條人龍。

想開個戶口和外匯孖展賬戶,最終搞左接近兩個鐘至做好,不過,只係開個普通的綜合理財賬戶,至於外匯孖展賬戶,就唔可以即時開埋,又要回家在網上開埋網上理財戶口,再要在網上申請埋保安器,如是者又再等了幾日,終於收到保安器,至可以啟動網上理財系統,然後再申請外匯孖展賬戶。

左等右等,經已係笑料一則,不過,更笑料的係,收到新開的外匯孖展賬戶的扛桿比率,竟然係一倍!有無搞X錯!申請者係年青人,有固定職業,同時風險評估又係可以承受第二高的風險,最終竟然係一倍!真係唔知這銀行搞乜!

為免再失信親友,我而家就再準備推介佢去環球通開戶,匯豐既然係咁官僚,我亦不屑再去同佢交手,費事教精佢。只係唔想其他網友再遇上類似的不快遭遇,故此特別把這事件上網,奉勸大家無謂再花精神在佢身上,由得佢繼續在外匯孖展服務上腐敗和被其他機構淘汰吧。

留言(3) | 引用(0) | 話題(股市)

[3]

對匯豐外匯孖展服務的徹底失望!
外匯贏家 | 30th Oct 2012, 17:35 PM | 置頂文章 | (937 Reads)
睇番2012年舊文..
.hsbc根本沒進步過

STR
[引用] | 作者 STR | 17th Nov 2015 5:47 PM | [舉報垃圾留言]

[2] Re: 止凡
止凡 : 看來匯豐的孖展戶口跟其他的比較起來好像比下去,我一直都有用匯豐的孖展戶口,不過又沒有太介意倍數比例,可能用法及投資取向不同吧。多謝分享。
事實上佢真係愈做愈退步,我一年前開的孖展賬戶,也只是得5倍,這賬戶我而家也只是當作外幣儲蓄或外幣定期般地間中買賣一下,正常的孖展買賣,都在環球通和其他外國的匯商賬戶做。

外匯贏家
[引用] | 作者 外匯贏家 | 20th Jan 2014 9:28 AM | [舉報垃圾留言]

[1]

看來匯豐的孖展戶口跟其他的比較起來好像比下去,我一直都有用匯豐的孖展戶口,不過又沒有太介意倍數比例,可能用法及投資取向不同吧。
多謝分享。


[引用] | 作者 止凡 | 19th Jan 2014 4:58 PM | [舉報垃圾留言]